Mweb

الخدمت فاؤنڈیشن کے تحت ملتان میں چیریٹی ڈنر کا انعقاد، 7.2ملین روپے کے فنڈز اکٹھے کرلئے گئے

ملتان: الخدمت فاؤنڈیشن کے کفالتِ یتامیٰ پروگرام کے تحت ملتان میں چیریٹی ڈنر کا انعقاد کیا گیا۔ تقریب کی صدارت الخدمت فاؤنڈیشن کے سینئر نائب صدر سید احسان اللہ وقاص نے کی جبکہ مہمانِ خصوصی معروف شعرا زاہد فخری اور سلمان گیلانی تھے۔تقریب میں سماجی و کاروباری شخصیات سمیت معززین علاقہ کی کثیر تعداد نے شرکت کی۔ اس موقع پر 7.2 ملین روپے کے فنڈز اکٹھے ہوئے۔
4

الخدمت فاؤنڈیشن اور جمعیت الاصلاح بحرین کے تعاون سے بٹ خیلہ میں مسجد کا افتتاح کردیا گیا

بٹ خیلہ: الخدمت فاؤنڈیشن نے جمعیت الاصلاح بحرین کے تعاون سے بٹ خیلہ میں مسجد کا افتتاح کردیا گیا۔ الخدمت مالاکنڈ کے صدر شہاب حسین نے مسجد کا افتتاح کیا۔ الخدمت فاؤنڈیشن کے سماجی خدمات پروگرام کے تحت تعمیر کردہ اس مسجد میں 300 نمازیوں کی گنجائش ہوگی اس کے ساتھ ساتھ 300 بچے حفظِ قرآن کی تعلیم بھی حاصل کرسکیں گے۔
3

الخدمت فاؤنڈیشن کے کفالتِ یتامیٰ پروگرام کے تحت کوئٹہ میں 50 یتیم بچوں میں ایجوکیشن کٹس اور تحائف تقسیم کئے گئے

کوئٹہ: الخدمت فاؤنڈیشن کے کفالتِ یتامیٰ پروگرام کے تحت رجسٹرڈ 50 بچوں میں ایجوکیشن کٹس اور تحائف تقسیم کئے گئے۔الخدمت فاؤنڈیشن بلوچستان کے صدر عاصم سنجرانی نے تقریب کی صدارت کی۔ کوئٹہ کے مختلف سکولوں سے 100 کے قریب یتیم بچوں نے تقریب میں شرکت کی۔
1

الخدمت فاؤنڈیشن کے تحت لاہور میں یتیم بچوں کے لئے منعقدہ چیریٹی ڈنرمیں 25ملین روپے کے فنڈز جمع کرلئے گئے

لاہور: الخدمت فاؤنڈیشن کے کفالتِ یتامیٰ پروگرام کے تحت لاہور میں یتیم بچوں کے لئے چیریٹی دنر کا انعقاد کیا گیا۔ تقریب کے مہمانانِ خصوصی نامور کرکٹر انضمام الحق، مشتاق احمد اور وسیم حیدر تھے اس کے علاوہ الخدمت فاؤنڈیشن کے سیکرٹری جنرل ڈاکٹر مشتاق احمد مانگٹ، اسسٹنٹ سیکرٹری جنرلز میاں بابر حمید اور احمد جمیل راشد، الخدمت پنجاب کے صدر راؤ محمد ظفر، الخدمت کے مرکزی اور ریجنل دفتر سے ذمہ داران، وولنٹیئرز سمیت مختلف شعبہ ہائے زندگی سے تعلق رکھنے والے افراد کی کثیر تعداد بھی موقع پر موجود تھی۔
انضمام الحق نے چیریٹی ڈنر کا آغاز اپنا بلا نیلامی کے لئے پیش کرکے کیا جس کو حاضرین میں سے ہی ایک صاحب نے 4.5 لاکھ روپے کے عوض خریدا۔ مشتاق احمد اور وسیم حیدر نے اپنی یادگار تاریخی ٹرافی اور شرٹ نیلامی کے لئے پیش کیں جو بالترتیب 7.5 لاکھ روپے اور 3.5 لاکھ روپے میں نیلام ہوئیں۔
واضح رہے کہ اس وقت الخدمت فاؤنڈیشن ملک بھر میں 7200 سے زائد بچوں کی ان کے گھروں اور آغوش سنٹرز میں کفالت کا فریضہ سرانجام دے رہی ہے۔
1

الخدمت فاؤنڈیشن کے صاف پانی پراجیکٹ کے تحت تھرپارکر میں پانی کے کنویں کا افتتاح کردیا گیا

تھرپارکر: الخدمت فاؤنڈیشن کے صاف پانی پراجیکٹ کے تحت مٹھی میں پانی کے کنویں کا افتتاح کردیا گیا۔سماجی شخصیت مولانا حبیب رحمٰن کے تعاون سے تعمیر کردہ اس کنویں سے روزانہ مٹھی کے 300 سے زائد خاندان مستفید ہوں گے۔
1

الخدمت فاؤنڈیشن کے تحت گوجرانوالہ میں ڈونر کانفرنس کا انعقاد کیا گیا

گوجرانوالہ: الخدمت فاؤنڈیشن کے یتیم اور بے سہارا بچوں کے لئے ملک بھر میں جاری الخدمت کفالت یتامیٰ پروگرام کے لئے گوجرانوالہ میں چیریٹی ڈنر کا انعقاد کیا گیا۔تقریب میں الخدمت کے مرکزی و ریجنل ذمہ داران، سماجی و کاروباری شخصیات سمیت معززین علاقہ کی کثیر تعداد نے شرکت کی۔ تقریب کے مہمانِ خصوصی نامور مزاحیہ شاعر انور مسعود تھے جبکہ صدارت الخدمت فاؤنڈیشن پاکستان کے صدر محمد عبداالشکور نے کی۔
تقریب کے آغاز میں محمد عبدالشکور نے الخدمت کے ملک بھر میں جاری ساتوں پروگراموں کے حوالے سے ایک تفصیلی رپورٹ پیش کی۔ بعد ازاں مہمانان کو سوینئر بھی پیش کئے گئے۔ اس تقریب میں اہلِ گوجرانوالہ نے دل کھول کر عطیات دیئے جس کے بعد 21 ملین روپے کے فنڈز اکٹھے ہوئے۔
8

وزیرستان میں کمیونٹی واٹر ویل پراجیکٹ کا آغاز کردیا گیا

فاٹا: الخدمت فاؤنڈیشن کے صاف پانی پروگرام کے تحت وزیرستان میں واٹر ویل پراجیکٹ کا آغاز کردیا گیا۔ اس منصوبے کے لئے تمام فنڈز سماجی شخصیت یوسف تلہ فراہم کریں گے۔ یوسف تلہ نے اس منصوبے کا افتتاح کیا۔ تکمیل کے بعد اس منصوبے سے روزانہ ایک ہزار سے زائد مقامی افراد مستفید ہوں گے۔
5

الخدمت فاؤنڈیشن کے تحت ملتان میں الخدمت کے زیرِ کفالت 41 یتیم بچوں میں ایجوکیشن کٹس اور تحائف تقسیم کئے گئے

ملتان:الخدمت فاؤنڈیشن کے تحت ملتان میں الخدمت کے زیرِ کفالت 41 یتیم بچوں میں ایجوکیشن کٹس اور تحائف تقسیم کئے گئے۔الخدمت فاؤنڈیشن وومن ونگ کے تحت ملتان میں ایک تقریب کا انعقاد کیا گیا جس میں مختلف سکولوں سے 153 یتیم بچوں نے شرکت کی۔تقریب میں بچوں کے لئے مختلف سرگرمیوں کا اہتمام کیا گیا تھا جس میں انھوں نے بڑھ چڑھ کر حصہ لیا۔ تقریب کے اختتام میں پوزیشن ہولڈرز 41 یتیم بچوں میں ایجوکیشن کٹس اور انعامات تقسیم کئے گئے۔
3

الخدمت فاؤنڈیشن کے تحت خانیوال میں چیریٹی ڈنر کا انعقاد کیا گیا

خانیوال: الخدمت فاؤنڈیشن کےتحت خانیوال میں چیریٹی ڈنر کا انعقاد کیا گیا۔تقریب کا مقصد الخدمت فاؤنڈیشن کے کفالتِ یتامیٰ پروگرام کے تحت ملک بھر میں یتیم اور بے آسرا بچوں کی کفالت کے لئے فنڈز اکٹھے کرنا تھا۔تقریب کے مہمانِ خصوصی الخدمت فاونڈیشن کے سیکرٹری جنرل ڈاکٹر مشتاق احمد مانگٹ تھے۔الخدمت پنجاب کے صدر راؤ محمد ظفر نے آغاز میں الخدمت کے ساتوں پروگرامات کی تفصیلات بیان کیں بعد ازاں شرکا میں اعزازی شیلڈز بھی پیش کی گئیں۔واضح رہے کہ اس وقت الخدمت فاؤنڈیشن ملک بھر کے 7200 سے زائد بچوں کی ان کے گھروں اور آغوش ہومز کے نام سے قائم اقامتی اداروں میں کفالت کررہی ہے۔