web temp 72dp

الخدمت فاؤنڈیشن اورہیلپنگ ہینڈ فار ریلیف اینڈ ڈویلپمنٹ کے زیرِ اہتمام روہنگیا مسلمانوں کو درپیش مسائل اور ان کے ممکنہ حل کے حوالے سے اسلام آبادمیں خصوصی سیمینار کا انعقاد کیا گیا

لاہور: الخدمت فاؤنڈیشن پاکستان اورہیلپنگ ہینڈ فار ریلیف اینڈ ڈویلپمنٹ کے زیرِ اہتمام روہنگیا مسلمانوں کو درپیش مسائل اور ان کے ممکنہ حل کے حوالے سے اسلام آبادمیں خصوصی سیمینار کا انعقاد کیا گیا۔جس میں بیسیوں ملکی و غیر ملکی رفاعی اداروں جن میں بیت السلام، اسلامک ریلیف، آئی آئی سی او کویت، ہیومن اپیل، اخوت، پیما ریلیف، اسلامک رحماۃ ریلیف، قطر چیرٹی، چرچ ورلڈ سروس ایشیا، ریڈ فاؤنڈیشن شامل ہیں کے سربراہان نے شرکت کی۔ حال ہی میں بنگلہ دیش میں روہنگیا مہاجر کیمپوں کا دورہ مکمل کرکے واپس آئے الخدمت فاؤنڈیشن پاکستان کے صدر محمد عبدالشکورنے سیمینار کی صدارت کی جبکہ روہنگیا اراکان فیڈریشن کے صدر انجینئر شیخ فردوس خصوصی طور پر شریک ہوئے۔ سیمینار کا مقصد روہنگیا مہاجرین کی حالیہ صورتحال کا جائزہ لینا اور ان کی ضروریات کے پیشِ نظر امدادی سرگرمیوں کی منصوبہ بندی کرنے کے ساتھ ساتھ میانمار، بنگلہ دیش، پاکستان سمیت دیگر ممالک کی توجہ اس طرف مبذول کروانا تھا کہ وہ اس انسانی مسئلہ کو سمجھتے ہوئے سفارتی محاذ پر اپنا کردار ادا کریں اور مہاجرین کو فوری امداد مہیا کی جائے۔محمد عبدالشکور نے اس موقع پر کہا کہ وہ آج صبح ہی میانمار بنگلہ دیش بارڈر پر موجود روہنگیا مہاجرین کے کیمپس کے دورے سے واپس آئے ہیں اور انہوں نے وہاں جو روہنگیا مہاجرین کی حالت دیکھی وہ قابل افسوس ہے۔ روہنگیا مہاجرین کو شیلٹر، خوراک اورادویات سمیت دیگر بنیادی ضروریات زندگی فراہم کرنے کی اشد ضرورت ہے۔سیمینار کے اختتام پر مشترکہ اعلامیہ جاری کیا گیاجس میں 25 اگست کے بعد میانمار راکھین میں پر تشدد اور انسانیت سو زواقعات کی بھر پور مذمت کی گئی۔ اعلامیہ میں بنگلہ دیش حکومت کا شکریہ ادا کیاگیا جنہوں نے مہاجرین کو پناہ دی ۔ اس کے علاوہ ترک حکومت کو خراج تحسین پیش کیاگیا جنہوں نے سب سے پہلے روہنگیا مہاجرین کو امداد فراہم کی۔ اعلامیہ میں بنگلہ دیش حکومت سے یہ مطالبہ بھی پیش کیا گیاکہ وہ غیر ملکی رفاعی اداروں کو متاثرہ علاقوں تک رسائی دینے کے لئے ہر ممکنہ اقدامات کرے تاکہ وہ بنا کسی دقت کے امدادی سرگرمیاں جاری رکھ سکیں۔ اس کے علاوہ روہنگیا میں امدادی سرگرمیوں کومزید موثر بنانے کے لیے پاکستان میں موجود رفاعی اداروں کے ساتھ ملکر ایک فورم کی تشکیل کی تجویز بھی اعلامیہ کا حصہ تھی۔
Iran

ایرانی سفارت خانے کے اہلکاران نے آغوش الخدمت پشاور کا دورہ کیا

پشاور: پاکستان میں تعینات ایرانی سفارت خانے کے معزز اہلکاران نے آغوش الخدمت پشاور کا دورہ کیا اور وہاں مقیم یتیم بچوں کے ساتھ دن گزارا۔ اس موقع پر عالمی ہومِ خواندگی کی مناسبت سے تقریب کا بھی انعقاد کیا گیا جس میں بچوں کے لئے مختلف سرگرمیوں کا اہتمام کیا گیا جس میں پاک ایران مثالی دوستی دکھائی گئی تھی۔ بچوں نے ان سرگرمیوں میں بڑھ چڑھ کر حصہ لیا۔
SR

الخدمت فاؤنڈیشن کی جانب سے عید الضحٰی پرمظلوم روہنگیا مسلمانوں کے لئے قربانی فی سبیل اللہ کا اہتمام کیا گیا

الخدمت فاؤنڈیشن کی جانب سے ہر سال کی طرح اس عید الضحیٰ پر بھی قربانی فی سبیل اللہ کا اہتمام کیا گیا اور اس کا گوشت چلر ٹرکوں کے ذریعے ملک بھر کے دور افتادہ علاقوں میں رہنے والے مستحق اور غریب خاندانوں میں تقسیم کیا گیا۔ اس کے ساتھ ساتھ معاون سماجی تنظیموں جانسیو اور حیرات فاؤنڈیشن کے تعاون سے مظلوم برمی مہاجرین کے لئے برما میں اور بنگلہ دیش بارڈر پر موجود مہاجر کیمپوں میں بھی قربانی فی سبیل اللہ کا اہتمام کیا گیا۔
Webbb

پنجاب کے مختلف تعلیمی اداروں سے الخدمت کے رضاران کا یتیم بچوں کے لئے جاری منصوبوں کا دورہ

پنجاب یونیورسٹی، سپیریئر یونیورسٹی، FAST یونیورسٹی، کامسیٹس لاہور، شیخ زید ہسپتال، چلڈرن ہسپتال اور سی ایم ایچ لاہور سے الخدمت رضاکاران نے آغوش مری، آغوش مانسہرہ اور آغوش الخدمت اٹک سمیت الخدمت فاؤنڈیشن کے مختلف جاری منصوبوں کا دورہ کیا۔
2

پاکستان ٹیلی کمیونیکیشن لمیٹڈ کے ملازمین کی جانب سے آغوش الخدمت شیخوپورہ کے یتیم بچوں میں خصوصی تحائف تقسیم کئےگئے

شیخوپورہ: پاکستان ٹیلی کمیونیکیشن لمیٹڈ کے ملازمین کی جانب سے آغوش الخدمت شیخوپورہ میں مقیم یتیم بچوں میں خصوصی تحائف تقسیم کئےگئے۔ سینئر نائب صدر الخدمت فاؤنڈیشن سید احسان اللہ وقاص بھی اس موقع پر موجود تھے۔
1

الخدمت فاؤنڈیشن سندھ کے زیرِ اہتمام فری وہیل چیئر مشن کے تعاون سے ٹنڈو آدم میں 15 مستحق معذور افراد میں وہیل چیئرز تقسیم کردی گئیں

سندھ: الخدمت فاؤنڈیشن سندھ کے زیرِ اہتمام فری وہیل چیئر مشن کے تعاون سے ٹنڈو آدم میں 15 مستحق معذور افراد میں وہیل چیئرز تقسیم کردی گئیں۔ اس حوالے سے منعقدہ تقریب میں صدر الخدمت ٹنڈوآدم سید توحید شاہ، چیئرمین میونسپل کورپوریشن منصور احسن غوری اور جماعت اسلامی کے عبدالغفور انصاری سمیت معززینِ علاقہ نے شرکت کی۔
1

الخدمت فاؤنڈیشن کے تحت اٹک میں چیریٹی ڈنر کا انعقاد کیا گیا

اٹک: الخدمت فاؤنڈیشن کے تحت اٹک میڈی کل سنٹر کے لئے چیریٹی ڈنر کا انعقاد کیا گیا۔ الخدمت فاؤنڈیشن کے سیکرٹری جنرل ڈاکٹر مشتاق احمد مانگٹ، الخدمت پنجاب کے صدر راؤ محمد ظفر اور معروف کالم نگار اوریا مقبول جان تقریب کے مہمان خصوصی تھے جبکہ میزبانی کے فرائض شعیب احمد ہاشمی نے سرانجام دیئے۔ اس چیریٹی ڈنر میں 12 لاکھ روپے سے زائد کے فنڈز جمع ہوئے۔
1

نامورریسورس موبلائزر اور چائلڈکیئر ڈویلپمنٹ سپیشلسٹ اقرا خالد کا الخدمت ڈیزاسٹر مینجمنٹ سنٹر کا دورہ

نامور یوتھ موبلائزر، موٹیویٹر، ریسورس موبلائزر اور چائلڈ کیئر ڈویلپمنٹ سپیشلسٹ اقرا خالد نے ڈیزاسٹر مینجمنٹ سنٹر راولپنڈی کی ٹیم سے ملاقات کی۔ ملاقات میں باہمی دلچسپی کے امور زیرِ بحث آئے اور مستقبل میں باہمی تعاون کے فروغ کی خواہش کا اظہار کیا گیا۔
الخدمت فاؤنڈیشن کی جانب سے ڈائریکٹرکوآرڈینیشن اینڈڈویلپمنٹ رضوان بیگ اور اے پی ایم ریسورس موبلائزیشن/ٹریننگ شہزادسلیم عباسی نے معزز مہمان کو الخدمت کے جاری منصوبوں خصوصاََ آغوش ہومز اور آرفن فیملی سپورٹ پروگرام کے حوالے سے آگاہ کیا اس کے علاوہ وولنٹیئر انٹرن شپ پلان پر بھی بات ہوئی۔
ملاقات کے دورا ن اقرا خالد کو آغوش ہومز کا دورہ کرنے کی دعوت بھی دی گئی کہ وہ آئیں اور یتیم بچوں کی بہتر پرورش اور فلاح و بہبود کے حوالے سے اپنی قیمتی آرا سے آگاہ کریں جس کی روشنی میں اس پروگرام کو مزید احسن طریقے سے آگے بڑھایا جاسکے۔
Charsadda

الخدمت رازی ہسپتال اسلام آباد کی افتتاحی تقریب 19 اگست کو منعقد ہوگی

اسلام آباد: الخدمت فاؤنڈیشن کے تحت 19 اگست 2017 بروز ہفتہ اسلام آباد میں الخدمت رازی ہسپتال کا افتتاح کیا جا رہا ہے۔ افتتاحی تقریب سی بی آر ٹاؤن اسلام آباد میں منعقد ہوگی جس کےمہمان خصوصی نامور کالمسٹ اوریا مقبول جان اور کرکٹر فخر زمان ہوں گے۔
اس کے علاوہ صدر الخدمت فاؤنڈیشن محمد عبدالشکور، صدر الخدمت پنجاب راؤ محمد ظفر، چیئرمین ہیلتھ بورڈ ڈاکٹر حفیظ الرحمٰن، صدر الخدمت اسلام آباد نصراللہ رندھاوا بھی موجود ہوں گے۔
واضح رہے کہ 60 بستروں کے اس ہسپتال میں کسی بھی تفریق کے بغیر میڈیکل کی تمام تر سہولیات مہیا کی جائیں گی۔ اس وقت الخدمت فاؤنڈیشن ملک بھر میں انیس ہسپتالوں سمیت صحت عامہ کے بہت سے منصوبوں پر کام کررہی ہے۔ان منصوبوں سے صرف 2016 میں 63 لاکھ سے زائد افراد مستفید ہوئے۔
Web (1)

الخدمت فاؤنڈیشن وومن ونگ کی ایمبیسڈرز کا آغوش الخدمت شیخوپورہ کا دورہ

شیخوپورہ: الخدمت فاؤنڈیشن وومن ونگ کی ایمبیسڈرز نے آغوش الخدمت شیخوپورہ کا دورہ کیا اور وہاں مقیم یتیم بچوں سے ملاقات کی۔ 18 ایمبیسڈرز پر
مشتمل وفد کی قیادت صدر الخدمت فاؤنڈیشن وومن ونگ طلعت ظہیر اور سیکرٹری جنرل الخدمت وومن ونگ کلثوم رانجھا نے کی۔
اس موقع پر الخدمت رضاکار پروگرام کے تحت وفد کے اراکین کے لئے ایک اورینٹیشن سیشن کا بھی اہتمام کیا گیا تھا جس میں الخدمت وومن ونگ کے تحت یتیم بچوں کے لئے کی جانے والی خدمات سمیت دیگر منصوبوں کے بارے میں شرکا کو تفصیلات سے آگاہ کیا گیا۔ اس کے علاوہ ایک ڈاکٹر نے رضاکارانہ طور پر یتیم بچوں کا میڈیکل چیک اپ کیا۔ بعد ازاں ایک یتیم بچے کی سالگرہ منائی گئی اور کھانا پیش کیا گیا۔
روانگی سے پہلے وفد نے الخدمت فاؤنڈیشن کے مرکزی دفتر میں صدر الخدمت فاؤنڈیشن محمد عبدالشکور اور سیکرٹری جنرل ڈاکٹر مشتاق احمد مانگٹ سے بھی ملاقات کی۔